Baketikek pelikula eta dokumentalen bideoteka bat dauka, norbere buruarekin eta besteekin hobeto bizitzeko nahiarekin eta Giza Eskubideak errespetatzen dituen gizarte baten eraikuntzarekin lotutako lanak biltzen dituena. Helburu pedagogikoa, eta ez komertziala, dauka, soil-soilik. Eskatzen duen edonori mailegatzen dizkio pelikulak Baketikek: hezkuntza zentroak, aisialdi taldeak, GKEak, elkarteak, familiak, lagun taldeak… Pelikula bakoitzak gida didaktiko labur bat dakar berekin, edukiari buruzko analisi eta hausnarketa laguntzeko asmoz. Kolaboratu nahi baduzu, gustatu izan zaizkizun pelikulen iritziak helaraztera gonbidatzen zaitugu.