ICIPekin elkarlanean Baketik-ek Teresa Whitfield idazle eta adituak idatzitako “ETA: el desenlace” liburuaren aurkezpenak antolatu ditu. Ekainean egingo dira Gasteizen eta Donostian. Horietan egilea solasean arituko da indarkeriazko iragana eta egungo egoera politiko eta soziala ezagutzen duten pertsonekin.
Hona hemen Baketik-ek antolatutako hitzorduak:
– Ekainaren 16an, ostirala, 19:00etan, Gasteizko Elkar liburu-dendan, Felix Iriarterekin.
– Ekainaren 19an, astelehena, 19:00etan, Donostiako Elkar liburu-dendan. Maider Maraña (Baketik) eta Paul Ríos aktibistarekin.
ICIPek Madril eta Bartzelonan antolatutako aurkezpenen informazioa hemen topatu dezakezue.
ETA: el desenlace
2011ko urriaren 20an ETAk jarduera armatuaren behin betiko amaiera iragarri zuen. Espainiako Gobernuarekin isilpean adostutako zenbait ekintzaren segida bati jarraiki egin zuen. ETAren «terrorismoa garaitzeko» edo «euskal gatazka konpontzeko» ahaleginak, interpretazio ezberdinen arabera, bost hamarkada baino gehiago atzeratu ziren.
Gatazken konponketan aditua den Teresa Whitfieldek idatzia eta 2014an ingelesez argitaratua, ETA: el desenlace liburuak euskal erakunde terroristaren jarduera armatuaren behin betiko amaiera deklaratzeko bide luzearen kontakizun xehea aurkezten du.
Gaztelaniazko edizio berri honetan, gaur egunera arteko prozesuaren berrikuspen eguneratua jasotzen da, 2022ko irailean egileak Euskal Herrian egindako lan-bisita baten ondoren idatzia. Liburuan kronologia bat eta pertsonen eta erakundeen glosario eguneratu bat ere sartu dira.
Liburua Kataluniako Bakearen Nazioarteko Institutuaren (ICIP) ‘Bakea eta segurtasuna’ bildumaren parte da. Andres Krakenberger-ek itzuli du testua, giza eskubideen aldeko aktibista eta Argituz Giza Eskubideen aldeko Elkarteko kidea dena.
Egileari buruz
Teresa Whitfield aholkulari independentea da, eta hogeita hamar urte baino gehiagoko esperientzia du gatazkak konpontzeko eta bakea finkatzeko lan egiten eta idazten. 2016tik 2022ra, Nazio Batuen Gai Politikoen eta Bakea Sendotzeko Departamentuko Politika eta Bitartekaritza Ataleko (DPPA) zuzendaria izan zen.