Sinopsia
Khaled y Saïd son dos jóvenes palestinos, amigos desde la infancia, a los que reclutan para llevar a cabo un atentado suicida en Tel Aviv. Después de una última noche con sus respectivas familias, de las que no les está permitido despedirse, parten hacia la frontera con explosivos pegados al cuerpo. Sin embargo, nada sale como estaba planeado y una serie de imprevistos les obliga a separarse. Solos, no les queda más remedio que enfrentarse a su destino y a sus convicciones…
Gaiak
Gatazka, injustizia eta gizatasuna galtzea
Gatazka. Ekialde Ertaineko gatazkaren giza alderdia erakusten du, eta protagonisten eta beren familien baitan sorrarazten duen barne borroka azpimarratzen.
Injustizia. Giza eskubideen jazarpena, pobrezia, desberdintasuna eta suntsiketa normaltasun mingarritzat onartuak erakusten ditu filmak.
Gizatasuna galtzea. Gatazketan gerta litekeen errealitatea islatzen du: biktima izan dena borrero bihurtzen da, eta hala etikoak ez diren bitartekoen erabilera justifikatzen da.
Filma ikusteko eta entzuteko iradokizunak
Pelikula bat modu askotara ikus eta entzun daiteke. Erreferentzi puntu batzuk eskaintzen ditugu. Zehazki pelikula modu honetara ikusi eta entzutea iradokitzen dizugu:
…barrura begira. Lehen pertsonan esanguratsu egiten zaigun horri buruz hausnartzea, eta gure bizitzan bertan sortarazten dizkigun galderei buruz. Helburua ez da betirako erantzunak bilatzea, sortarazten dizkigun erresonantziei so egitea baizik.
…kanpora begira. Taldean edo eta familian elkarrizketa sustatu. Kontua ez da ondorioetara iristea. Hauteman eta sentitu duguna konpartitzea, eta besteen hautemate ezberdina entzuten eta ulertzen saiatzea.
…ez bakarrik buruarekin, baita bihotzarekin ere. Une batez aurreiritzi ideologikoak edo aurrez ditugun ideiak albo batera uztea, pelikulak kontatzen digun harira, sentimenduek hitz egin dezaten.
eta denbora baten buruan, berriz pentsatzea... Egun batzuetara pelikulak uzten digun arrastoari adi egon. Arrasto hori ikusi dugunari buruzko hausnarketak eta istorioak gugan hartzen duen protagonismoak bat egitearen ondorioa da.
Zenbait galdera…
…pelikula ikusi aurretik
· Gatazkari buruz: Gatazka batean, nola bereizi daitezke geure erabakiak eta gatazkak inposatzen dituenak?
· Injustiziari buruz: Injustizia-egoeretan aktoreak ala ikusleak gara? Zertan oinarritzen dugu erabakia?
· Gizatasuna galtzeari buruz: Zerk egiten du gatazka batean biktima izan dena borrero bihurtu dadin?
…pelikula ikusi ondoren
· Martirien orria irakurtzen ari dela, Khaledek arreta galtzen du Jamal amak prestatu zien sandwicha jaten ikusten duenean. Martiri izateko ideiak benetan den horretatik aldendu al du? Nola?
· Saïd eta Suha «biktimaren» eta «okupatzen duenaren» arteko marra zehaztugabeaz dihardute. Suhak Khaledi atentatu suizida ez dela «sakrifizioa» esaten dio, ezpada «mendekua». Zer dakar xehetasun horiek zehazteak?
· Saïden arabera, «duintasunik gabeko bizitzak ez du ezer balio», eta Palestinako herriak bizitako iraina erakusten da. Gisa honetako indarkeriako gatazketan non aurki daiteke giza duintasunaren zentzua?
Orla Hassonen laguntzarekin.
Gida didaktikoa deskargatu