Baketik-ek eta SOS Arrazakeria Gipuzkoa-k oso positibotzat jo dugu joan den irailaren 12an Tolosan 2030 Agendaren eta Mentoretza Sozialaren inguruan egin zen topaketa, eta eskerrak eman nahi dizkiegu bertaratutako guztiei. Euskal Herriko 12 gizarte-erakunde bildu ginen ekitaldian, gaur egun lurraldean egiten diren mentoretza soziala lantzen dutenak.
Proiektu hau hainbat eragilek 2030 Agenda bultzatu eta Euskal Herrira ekartzeko egindako ahaleginen artean kokatzen da. Gizarte-arloko hogei profesional baino gehiago bildu ginen 2030 Agendaren nondik norakoak aztertzeko eta bakoitzak bere lan-eremutik agendari ekarpenak egiteko aukerei buruz hausnartzeko.
Agendak proposatzen dituen garapen jasangarrirako 17 helburuak aztertu ondoren, hiru GJH identifikatu dira. Horietan, topaketan geunden mentoretza sozialeko proiektu guztiek ekarpen garbia egiten dugu:
10. Desberdintasunak murriztea. Herrialde bakoitzaren barneko eta herrialdeen arteko desberdintasunak murriztea.
3. Osasuna eta ongizatea. Guztiontzat eta adin guztietan bizimodu osasungarria bermatzea eta ongizatea sustatzea.
5. Genero berdintasuna. Genero-berdintasuna lortzea eta emakume nahiz neska guztiak ahalduntzea.
Tangentzialki, GJH hauek ere azpimarratzen dira:
1.Pobreziaren amaiera.
4. Kalitatezko hezkuntza.
16. Bakea, justizia eta erakunde sendoak.
17. Helburuak lortzeko aliantzak.
Topaketa horretan sortutako ezagutza erabiliko da mentoretza soziala eta 2030 Agendaren arteko harremanaren gakoei buruzko argitalpen bat egiteko. Hurrengo hilabeteetan argitaratuko da.