BLOGA
Bizitza, elkarbizitza eta orokorrean gu geu eta bizitza bera nolakoak diren hausnartzeko istorio eta iritziak zabaltzeko gunea da hau.
Post laburrak eta estilo xumez idatzitakoak dira. Baketikek ez zaitu aspertu nahi. Hausnarketak eta galderak eragin nahi dizkizu. Zure iruzkinak ere ongi etorriak izango dira.
Memoria artelan - Adiorik Gabe esperientzian sakontzeko gida pedagogikoa
2019-09-20
2019ko apirilaren 6an
Adiorik Gabe sorkuntza aurkeztu zen Donostian. Helburua terrorismoaren eta motibazio politikoko beste indarkeria batzuen biktimak aitortzea zen, lengoaia artistikoa eta prozesu-ikuspegia erabiliz. Lau zuzendari artistikok hainbat hilabetetan zehar hiriko hiru biktimen senide eta hurkoekin egindako enpatia, aitortza eta sormen prozesu baten emaitza izan zen.
Sorkuntzaren aurkezpenari mami guztia ateratzeko, gida pedagogiko bat editatu zuen Baketikek. Bertaratu ala ez, ikuskizunak kuriositatea eragin dion edonork esperientziaren funtsezko aspektuetan murgiltzeko aukera eskaintzea da gidaren asmoa: sormenaren indarra eta magia, arteak trauma indibidual eta kolektiboetan duen paper sendatzailea, Adiorik Gabe esperientziaren datuak, omenduak eta berezitasunak, artearen sorkuntzaren eta bakegintzaren arteko parekotasunak, adibide eta erreferentzia anitzak… Testua multimedia-baliabide ezberdinekin osatzen da (bideoak, liburuak, weborriak…), irakurleak bere interesen arabera ikertu eta sakondu dezan.